07:06 / 18.02.2017
6 497

Dunyoda birinchi 80 foizli shaffof displey namoyish qilindi

Dunyoda birinchi 80 foizli shaffof displey namoyish qilindi

Elektron devayslar uchun shaffof ekran yaratishga urinishlar ko‘p bo‘ldi va yaqinda Japan Display Inc kompaniyasi bunday qurilmaning o‘z variantini namoyish qildi. Yapon kompaniyasi displeyi 80 foiz shaffoflik koeffisentiga ega. U turli sohalarda qo‘llanishi mumkin: deraza oynalari yaratishdan tortib to to‘ldirilgan reallik devayslarigacha. Bu haqda "Hi-News"ga asoslanib "Kun.uz" xabar berdi.

Yangi turdagi displeyning shaffoflik koeffisienti boshqa bunday qurilmalardan deyarli ikki barobar yuqori. Bunga ishlab chiqarishning yangi texnologiyasi orqali erishildi.

Japan Displays kompaniyasi bunday natijalarga erishishda qo‘llanilgan yangi texnologiyani hanuz sir tutmoqda. Hozircha displeyning suyuq kristallarga asoslanganligi ma’lum xolos. Texnik xususiyatlarga bog‘liq tafsilotlarni joriy yilning mart oyida AQShda bo‘lib o‘tadigan SID (The Society for Information Display) konferensiyasi doirasida oshkor qilishga va’da berishmoqda. U erda qurilmaning so‘nggi versiyasi ham taqdim etiladi.

Hozircha shaffof displeyning tajriba namunasi 4 dyuymni tashkil qiladi. Bunday displeyli devayslarni elektron kitoblar, soatlar, smartfonlar, to‘ldirilgan reallik tizimlari, reklama banerlari, do‘kon rastalari, "aqlli" oynalar va boshqalarda qo‘llash mumkin bo‘ladi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Dunyoda birinchi 80 foizli shaffof displey namoyish qilindi