15:59 / 24.03.2017
6 246

Nemis olimlari 10 ming quyoshdek yorituvchi tizimni ishlab chiqishdi

Nemis olimlari 10 ming quyoshdek yorituvchi tizimni ishlab chiqishdi
Germaniya aviasiya va kosmonavtika markazi olimlari bir joyning o‘zida 10 ming quyosh nuriga teng keluvchi energiyani yig‘ishga muvaffaq bo‘lishdi. Payshanba kuni u ilk marotaba sinovdan o‘tkazildi. Bu haqda Gizmodo portaliga tayanib Kun.uz xabar berdi.

Tizim 149 kseno qisqa yoyli lampalardan iborat - bu kabi lampalar kinoloyihalarda qo‘llaniladi. Markaz direktori Bernard Xoffshmidtning so‘zlariga ko‘ra, tizim 3000 darajagacha haroratni ishlab chiqara oladi. Tuzilma hajmi: balandligi - 14 metr, kengligi - 16 metr.

Ishlab chiqaruvchilarning maqsadi — vodorod, ekologik sof yoqilig‘i yaratishning yangi usullarini topish. Tizim yorug‘likni bir nuqtaga qaratib, metallni 800 darajagacha qizdiradi, shundan so‘ng uni suv bug‘ida ushlaydi. Metall suvdagi kislorod bilan reaksiyaga kirishadi, vodorod esa qoladi.

Hozircha tizim to‘rt soatda oddiy uyga bir yilda sarflanadigan elektr energiyasini sarflaydi. Olimlar yaqin bir necha yil ichida tizimni yanada takomillashtirib, uni quyosh batareyalaridan quvvatlashga o‘tkazishni rejalashtirishmoqda.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Nemis olimlari 10 ming quyoshdek yorituvchi tizimni ishlab chiqishdi