Norvegiyaning «Avinor» milliy aviakompaniyasi 2040 yilga qadar hozirgi samolyotlaridan to‘liq voz kechib, ichki va Skandinaviyaning boshqa mamlakatlarida parvozlarni amalga oshirishda elektr samolyotlardan foydalanish niyatida. Kompaniyaning ijrochi direktori Dag Falk-Petersenning aytishicha, Norvegiya ushbu qarori orqali elektr transporti sohasida yetakchiga aylanadi, deb xabar berdi «Xabar.uz».
«Biz 1,5 soatgacha bo‘lgan parvozlarning barchasini mutlaq elektr energiyasida harakatlanadigan samolyotlarda amalga oshirish mumkin deb hisoblaymiz», — dedi Dag.
Uning ta’kidlashicha, bu kabi diapazon barcha ichki reyslar va Skandinaviya mamlakatlarining poytaxtlarigacha bo‘lgan masofa uchun yetarli.
Avvaliga aviakompaniya bioyoqilg‘i va gibrid dvigatelli texnologiyalarni sinab ko‘radi. Shuningdek, «Avinor» 19 yo‘lovchiga mo‘ljallangan kichik elektrosamolyotlardan foydalangan holda tijoriy reyslarni amalga oshirish uchun tender tashkillashtirmoqchi. Havo kemasining ilk parvozlari 2025 yilga mo‘ljallangan.
«Avinor» rahbari elektrosamolyotlardan foydalanish Norvegiyaning ekologik holatiga ijobiy ta’sir qiladi degan umidda. Statistik ma’lumotlarga ko‘ra, mamlakat hududidagi «parnik gaz»larining 2,4 foizi havo transportlari hisobiga to‘g‘ri keladi.
Ekspertlarning fikricha, odam tashuvchi birinchi elektrosamolyotlarning paydo bo‘lishiga hali ancha vaqt bor. Hozirgi akkumulyatorlar yirik samolyotlarni havoga ko‘tarish quvvatiga ega emas. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!