Google tarjimonining juda qulay funksiyasi bor - smartfon kamerasiga noma’lum so‘z yoki iborani yo‘naltirasiz va qurilma sizga noma’lum so‘zning ona tilingizga tarjimasini ko‘rsatadi. Biroq yaqin vaqtgacha ayniqsa sayohatlarda qo‘l keladigan bunday foydali qo‘llanmani faqat internetga ulangan holda amalga oshirish mumkin edi, rouming esa arzonga tushmasligini yaxshi bilamiz. Google vakillari Tarmoqqa ulanish zaruratisiz neyrotarmoqli tarjima funksiyasini bajara oluvchi mobil ilova ishlab chiqilgani haqida e’lon qilishdi.
Ta’kidlash joizki, Google bunday xizmatni yo‘lga qo‘yayotgan birinchi korporatsiya emas. Microsoft bunga qadar oflayn neyrotarmoqli tarjimon ishlab chiqqan. Biroq siz va biz uchun bu kompaniyalarning o‘zaro raqobatga kirishishini va ularni o‘z mahsulotlarini yanada yaxshilash ustida ishlashlarini, oxir-oqibat bundan foydalanuvchilar manfaatdor bo‘lishini bildiradi.
Google'ga ko‘ra, 15 iyun kunidan boshlab barcha Android va iOS foydalanuvchilari neyrotarmoqli tarjima funksiyasidan foydalanishlari mumkin bo‘ladi.
Ishlab chiquvchilar 59 xil til paketlari qo‘llab-quvvatlanishi haqida ma’lum qilishmoqda. Bir til paketi hajmi taxminan 35 megabaytni tashkil qiladi.
Umuman olganda, mazkur bosqichda Google dasturchilari ijod mahsuli jozibasi Microsoft mahsuliga qaraganda ko‘proq: til paketlari raqib mahsulotidan yengilroq, shu bilan birga, Google mahsuloti hatto eng byudjet modellardagi qurilmalarda ham ishlaydi (Microsoft'da esa buning uchun maxsus chip kerak bo‘ladi). Shuningdek til paketlari jihatidan ham Google ustun - 59 paketga qarshi 11 paket.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyaning Knauf kompaniyasi Rossiyadan butunlay chiqib ketishini tasdiqladi
O‘zbekistonda o‘tgan uch oyda qancha avtomobil ishlab chiqarilgan?
Damas uchun onlayn kontraktatsiya ochiladi
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi