Samsung: Evropada Galaxy Note 7 savdolari 28 oktyabrda qayta tiklanadi

  • 28 sentyabr 2016, 16:16
  • 5 286
  • Texnologiya
  • Samsung: Evropada Galaxy Note 7 savdolari 28 oktyabrda qayta tiklanadi

    Janubiy Koreyaning Samsung Electronics kompaniyasi bergan bayonotiga ko‘ra, Galaxy Note 7 fabletining Evropa mamlakatlaridagi sotuvlari 28 oktyabrda qayta tiklanadi. Bu haqda "Terabayt.uz" xabar berdi.

    Samsung Electronics nosoz Galaxy Note 7 smartfonlarini rasman 19 sentyabrdan boshlab almashtirishni boshlagan edi. Biroq hatto almashtirilgan yangi smartfonlarda ham qurilma qizishi va batareya zaryadining odatdagidan ko‘p sarflanishi kabi muammolar to‘g‘risida xabar berilgan. Shuningdek, tarmoqda yangilangan Galaxy Note 7 smartfonlarining yana yonib ketganligi haqida ham mish-mishlar tarqalgan.

    Janubiy Koreyalik gigant 2 sentyabrdan o‘tkazilgan matbuot anjumanida Galaxy Note 7 fabletidagi akkumulyatorlar bilan bog‘liq nosozlikni rasman tan olib, modelning global sotuvlarini vaqtincha to‘xtatishi va muammoni bartaraf etishini ma’lum qilgan edi.

    MDH mamlakatlarida ushbu model hali rasman sotilmagani sababli almashtirish dasturi yo‘lga qo‘yilmadi. Hozircha Galaxy Note 7 MDH mamlakatlarida qachon sotilishi haqida aniq xabarlar mavjud emas.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Samsung: Evropada Galaxy Note 7 savdolari 28 oktyabrda qayta tiklanadi