23:21 / 08.10.2016
6 637

Google: 20 milliondan ortiq talaba Chromebook’dan foydalanadi

Google: 20 milliondan ortiq talaba Chromebook’dan foydalanadi

Nisbatan hamyonbop narx, kuchli ishlash samaradorligi va foydalanishdagi qulaylik tufayli Google Chromebook noutbuklari talabalar orasida yaxshi ommalashib bormoqda. Yaqinda qidiruv gigantining xalqaro o‘qituvchilar kuniga bag‘ishlab yozgan blogida, dunyo bo‘ylab 20 mln talaba Chromebook gadjetlaridan foydalanishi to‘g‘risida ma’lumot berilgan.

So‘nggi 12 oy mobaynida Google kuchli marketing tufayli Chromebook noutbuklarining sotuvini sezilarli darajada oshirishga erishdi. O‘tgan yili Google 10 mln dona Chromebook sotishga muvaffaq bo‘lgan edi, xolos. Ko‘rib turganingizdek, bu yil kompaniya ushbu gadjet savdolarini ikki baravarga oshirgan. Bu ko‘rsatkich esa, shubhasiz, qidiruv gigantining ta’lim sektoridagi ulushini bir qadar mustahkamlashga hissa qo‘shgan.

Global Market agentligi taqdim etgan prognozga ko‘ra, 2023 yilga borib Google Chromebook sotuvlari bir yilga 17 mln donani tashkil qilishi mumkin ekan.

Shuningdek, mazkur blogda Google o‘qituvchilar orasida tajriba almashishga xizmat qiladigan “Education on Air” dasturini ham e’lon qilgan. Ushbu onlayn konferensiyada o‘tgan yili jahon bo‘ylab 50 mingdan ortiq o‘qituvchilar turli mavzulardagi ma’ruzalari bilan ishtirok etishgan.

Manba: Terabayt.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Google: 20 milliondan ortiq talaba Chromebook’dan foydalanadi