10 million dollarga sotilgan giperkarni bilasizmi?

  • 20 noyabr 2016, 00:02
  • 4 937
  • Texnologiya
  • 10 million dollarga sotilgan giperkarni bilasizmi?

    Dunyoda atigi etti nusxada bo‘lgan Koenigsegg One:1 giperkarining biri AQShda dastlabki qiymatidan besh barobar qimmatga sotildi. GTSpirit nashrining The Auto Art dizayn atelesiga tayangan holda yozishicha, giperkarga 10 mln dollar to‘lashgan, deyiladi "Kun" nashrida.

    Koenigsegg One:1 2014 yilda nimalarga qodirligini namoyish qilgan edi. Uning nomi quvvatining vazniga nisbatini, ya’ni bir ot kuchiga bir kilogramm mos kelishini anglatadi. Avtomobil 1341 ot kuchiga ega bo‘lgan, besh litr hajmdagi sakkiz silindrli motor bilan jihozlangan. U ikkita turbinaga ega. Avtomobil ikki uzatmali etti bosqichli avtomat quti ko‘magida harakatlanadi. Vazni ham ot kuchiga mos ravishda 1341 kgga teng.

    Model bir necha marotaba tezlik rekordlarini o‘rnatgan. Giperkar Spa-Frankorsham va «Suzuka» avtodromlaridagi eng tezkor seriyali avtomobil bo‘lgan edi. U «0-300-0» ko‘rsatkichiga 17,95 soniyada erisha olgan. Bundan tashqari, ikki kilometr masofada soatiga 386 km tezlikka chiqqan.

    » » 10 million dollarga sotilgan giperkarni bilasizmi?