Odnoklassniki yangi ko‘rinishdagi guruhlarni — mahfiy guruhlarni ishga tushirdi. Yopiq guruhlardan farqli o‘laroq mahfiy guruhlar boshqa foydalanuvchilarga ko‘rinmaydi, ularni ichki qidiruv tizimi orqali topish yoki do‘stlarning guruhlar ro‘yxatida ko‘rish mumkin emas. Mahfiy guruhga kirishning birgina usuli bor — guruh ma’muriyati yoki moderatori tomonidan taklif orqali kirish mumkin. Guruh a’zolarigina guruhning nomini va rasmini yoki undagi ma’lumotlarni ko‘rishi mumkin. Guruhga a’zo bo‘lmagan foydalanuvchi havola orqali unga kirmoqchi bo‘lsa “Odnoklassnikida bunday sahifa mavjud emas” degan yozuv chiqadi.
Guruhni mahfiy qilish uchun “Oshkoralik” sozlanmasida “Mahfiy guruh” sozlanmasini tanlash kerak bo‘ladi.
Bundan tashqari OK guruhlar uchun yosh chekloviga ega bo‘lgan kontent uchun “18+” sozlanmasini kiritdi. “Oshkoralik” sozlanmasida “18 yosh va undan katta” bandini kiritdi. Ushbu sozlanmani qo‘llanilishi profilidagi yoshi kichik bo‘lgan foydalanuvchilar ushbu guruh kontentini ko‘ra olish imkoniyatini cheklaydi. Profilidagi yoshi guruh sozlanmasida ko‘rsatilgan yoshdan kichik bo‘lgan foydalanuvchilar guruhga kira olmaydilar, uni qidiruv tizimidan topa olmaydilar va uning postlarini ko‘ra olmaydilar.
“Odnoklassniki turli yoshga va qiziqishga ega auditoriya uchun ijtimoiy tizimdir. OKdan 18 yoshgacha bo‘lgan 6 milliondan ziyod insonlar foydalanadi. Biz ushbu holatga e’tibor bilan qaraymiz va ijtimoiy tizim ichidagi kontent tarqalishiga ma’suliyat bilan qaraymiz. Bunday sozlanmalar bir tarafdan guruhlarga to‘siqlarsiz rivojlanish imkoniyatini, boshqa tarafdan esa bolalarga ijtimoiy tizimdan cheklovlarsiz foydalanish imkoniyatini yaratadi.” – deb aytdi Odnoklassniki loyihasi matbuot xizmati rahbari Anastasiya Jbanova. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?