Android dasturiy ta’minoti muallifi Andy Rubin Essential brendi nomi ostida smartfonlar, planshetlar va boshqa shu kabi iste’mol qurilmalarini ishlab chiqarishni rejalashtirmoqda. 2014 yilda Google kompaniyasini tark etgan mutaxassis rejasi haqida Bloomberg agentligi vaziyatdan xabardor manbasiga asoslangan holda xabar qilmoqda.
Agentlik ma’lumotlariga ko‘ra, Rubin 40 kishidan iborat jamoani shakllantirgan, unga Apple va Google kompaniyalarining sobiq xodimlari kirgan. Android muallifining o‘zi loyiha bosh direktori lavozimini egallagan. 2016 yil oxirida ro‘yxatga olingan Essential brendi smartfonlar, planshetlar, aksessuarlar va «mobil qurilmalari uchun dasturiy ta’minot ishlab chiqish» uchun mo‘ljallangan. The Information nashri 2016 yil dekabrida Rubin yangi mobil telefon ustida ishlayotgani haqida yozgan edi.
Ayni vaqtda Essential nomli smartfon prototip bosqichida, biroq Rubin hozirdanoq uni iPhone va Google Pixel kabi qurilmalar singari yuqori narxda sotishni rejalashtirgan, deb aniqlik kiritgan Bloomberg. Xususan, unda eng yuqori materiallar qo‘llaniladi.
Essential ishlab chiqaruvchilari qurilmalar uchun yangi ulanish tirqishini ham barpo etish niyatida. Aniqrog‘i, quvvatlash tirqishiga joylanadigan yangi modul boshqa qurilmalarni ulash imkonini beradi. Masalan, muhandislar 360 darajali tasvir olish imkonini beradigan kamera ustida ishlashmoqda. Essential loyihasida, shuningdek, boshqa ishlab chiqaruvchilarning modullaridan ham foydalanish imkoniyatiga e’tibor qaratish ko‘zda tutilgan.
Bloomberg agentligiga ko‘ra, Essential qurilmalarini 2017 yil o‘rtalarida sotishni boshlaydi. Ammo, hozircha Rubin vakillari bu xabarlarga izoh berishmagan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?