Skype Lite mobil ilovasi namoyish etildi

  • 24 fevral 2017, 17:07
  • 4 309
  • Texnologiya
  • Skype Lite mobil ilovasi namoyish etildi

    Hindistonning Mumbay shahrida bo‘lib o‘tayotgan Future Decoded konferensiyasida Microsoft rahbari Satya Nadella Skype Lite mobil ilovasini taqdim etdi. U aloqa sifati past bo‘lgan mintaqalar foydalanuvchilari uchun mo‘ljallangan. Bu haqida TechCrunch portaliga tayanib Kun.uz xabar berdi.

    Manbaga ko‘ra, Android operasion tizimi boshqaruvidagi qurilmalarda ishlovchi ilova xabar almashish va VoIP-telefon funksiyalaridan foydalanish imkonini yaratadi. Kompaniyadan ma’lum qilishlaricha, Skype Lite ilovasi 2G-tarmoqlar uchun maxsus optimallashtirilgan.

    Bugungi kunda Skype Lite faqat Hindistonda ishga tushirilgan. Boshqa mamlakatlarda qachon yo‘lga qo‘yilishi hozircha noma’lum. Ilova sakkiz tilga tarjima qilingan, u yangiliklardan xabar topish va hatto aviachiptalar buyurtma qilish mumkin bo‘lgan chat-botlarni qo‘llab-quvvatlaydi.

    Bundan tashqari, 2017 yilning iyunida Microsoft korporasiyasi Skype Lite'ni Aadhaar milliy tizimi bilan integrasiya qilmoqchi. Aadhaar - hind fuqarolarining biometrik ma’lumotlari saqlanuvchi tizim.

    Kompaniya vakillarining ma’lum qilishicha, bu turli vaziyatlarda noma’lum abonentlarni tez aniqlash imkonini beradi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Skype Lite mobil ilovasi namoyish etildi