"Bilayn" aloqa operatorining nomi o‘zgarishi mumkin

  • 28 fevral 2017, 06:13
  • 3 777
  • Texnologiya
  • "Bilayn" aloqa operatorining nomi o‘zgarishi mumkin

    Vimpelcom kompaniyasi 2016 yilga doir moliyaviy hisobotida “Bilayn” brendining nomi o‘zgarishi haqida ma’lum qildi.

    2016 yilning noyabrida Italiyada VEON platformasi muvaffaqiyatli ishga tushirilgan edi. Hisobotda qayd etilishicha, 2017 yilning oxirigacha barcha mamlakatlarda VEON internet platformasi ishga tushiriladi.

    VimpelCom kompaniyasining bosh ijrochi direktori mazkur yangilikka quyidagicha izoh berdi:

    "Bugun VimpelCom kompaniyasida VEONning yangi va ajoyib davri boshlanadi. Brendning qayta nomlanishi telekommunikasiya kompaniyasining global texnologiyalar etakchiligiga bo‘lgan intilishini namoyon etadi.

    Biz VEON foydalanuvchilariga platformada yangidan-yangi xizmatlarni taqdim etuvchi STUDIO+, Deezer va Mastercard bilan global hamkorlikni yo‘lga qo‘yishdan mamnunmiz".

    Brendning yangi nomi kompaniya aksiyadorlarining 30 mart kuni o‘tkaziladigan majlisida tasdiqlanishi ko‘zda tutilgan.

    Eslatib o‘tamiz, Vimpelcom Ltd dunyoning yirik integrasiyalashgan aloqa operatorlaridan biri hisoblanadi. U Rossiya, Italiya, Jazoir, Pokiston, O‘zbekiston, Qozog‘iston, Ukraina, Bangladesh, Qirg‘iziston, Tojikiston, Armaniston, Gruziya va Laosda aktivlarga ega. Vimpelcom kompaniyasi "Beeline", "Kievstar", Wind, Djezzy, Mobilink va Banglalink brendlari ostida xizmat ko‘rsatadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » "Bilayn" aloqa operatorining nomi o‘zgarishi mumkin