O‘zbekiston yaqin vaqtlarda paxtani to‘liq mashinalar yordamida terish usuliga o‘tishni rejalashtirmoqda, deb ma’lum qildi jurnalistlarga “O‘zagrotexsanoatxolding” AJ raisi Nodir Otajonov.
Otajonovning so‘zlariga ko‘ra, buning uchun respublika ichki bozoriga 10 000 donagacha paxta terish texnikasini keltirish talab etiladi. Ana shunda mamlakatda paxtani 100 % mexanik ravishda terishga erishsa bo‘ladi. Bugungi kunda mamlakat dalalarida 1000 donadan ortiq paxta terish mashinalaridan foydalanilmoqda.
«Paxta terishni mexanizasiyalashtirish mamlakatimiz uchun ustuvor vazifa hisoblanadi. Bunday mashinalarni ishlab chiqarish shuningdek, dalalarni tayyorlashdan tortib chigit ekish, kultivasiyalash, sug‘orish va boshqa kompleks vazifalarni ham ko‘zda tutadi. Raqamlarga keladigan bo‘lsak, mamlakatda 5000 dan 10000 donagacha shunday mashinalarga ehtiyoj bor», — dedi xolding rahbari. U shuningdek, mamlakatda yiliga 1000 tadan 1500 tagacha paxta terish mashinalarini ishlab chiqarish imkoniyati mavjudligini qo‘shib qo‘ydi. Joriy yilda 600 donadan ortiq paxta terish texnikasini ishlab chiqarish rejalashtirilgan.
«Kelgusi 5 yil davomida jiddiy sur’atlar bilan olg‘a siljiymiz, deb o‘ylayman. Tez orada biz paxta terimini mexanizasiyalashtirishimiz lozim, chunki qo‘l terimi juda ko‘p mablag‘ talab etishi va ko‘plab odamlarni jalb qilishini yaxshi bilamiz. Yangi xoldingni tashkil etish orqali bunday dolzarb vazifalarni nisbatan qisqa vaqt ichida hal etish nazarda tutilmoqda. Kelasi yilgacha ichki bozorga kamida 1000 ta paxta terish mashinasi etkazib beriladi, deb o‘ylayman», — dedi Otajonov.
Uning aytishicha, qo‘l terimidan mexanizasiyalashtirishga o‘tish jarayoni silliq kechmayapti. Shu bois xolding tizimida ushbu yo‘nalishdagi masalalar majmui ustida ish olib borilmoqda. Bosh ustuvor vazifa mashinalarning yuqori sifatli bo‘lishini ta’minlashdir. Shu maqsadda, mavjud ishlab chiqarish quvvatlarini chuqur modernizasiyalash bo‘yicha ish boshlangan, zamonaviy texnologiyalarga ega 10 dan ortiq ishlab chiqaruvchilar, xususan mahalliy avtosanoat bilan hamkorlikda ish olib borilmoqda.
«Biz nafaqat mashinalarimizdan foydalanayotganlar bilan balki keyinchalik e’tirozlar bo‘lmasligi uchun paxta xom ashyosini qabul qilib oluvchilar bilan ham ishlayapmiz. Joriy yilda mashinalarimiz raqobatbardosh va samarali ekanligini namoyish qilamiz», — deb qo‘shimcha qildi xolding raisi. Eslatib o‘tamiz, 2016 yil oxirida tashkil etilgan «O‘zagrotexsanoatxolding» kompaniyasi qishloq xo‘jaligi texnikasi ishlab chiqarish, sotish va servis xizmati ko‘rsatish hamda qishloq xo‘jaligi mahsulotlari ishlab chiqaruvchilariga mexanizasiyalashgan xizmatlar ko‘rsatishga ixtisoslashgan.
Manba: sputniknews-uz.com “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Eron Isroilga hujum uyushtirdi. Endi urush boshlanadimi?..
Mojarodan so‘ng Ukrainani nima kutayotgani ma’lum bo‘ldi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Buxoro viloyatida «Neksiya-3» avtomashinasi buklanib qoldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
