Apple barmoq skaneriga ega OLED-ekran ishlab chiqdi

  • 24 noyabr 2015, 11:30
  • 4 242
  • Texnologiya
  • Apple muhandislari alohida barmoq skaneridan voz kechish imkonini beruvchi texnologiyani ishlab chiqdi, deya xabar bermoqda «Hi-tech.mail.ru». AQSh patentlar va savdo belgilari byurosi tegishli arizani 19 noyabr kuni e’lon qildi.

    Apple barmoq skaneriga ega OLED-ekran ishlab chiqdi

    Sentyabr oyida Business Korea nashri Apple’ning organik yorug‘lik diodli displeylar ishlab chiqaruvchi dunyoning etakchi kompaniyalaridan biri bilan butlovchi qismlar etkazib berish haqida muzokaralar olib borayotganini ma’lum qilgandi. «Ichki sensorli ekranga ega kremniy-OLED displeyi» nomli patent arizasi buni qisman tasdiqlaydi.

    Hujjatda aytilishicha, texnologiya zamonaviy sensorli OLED-ekran va barmoq skanerini o‘zida birlashtiradi.

    Innovasion displey tranzistorlar massivi, bir necha qavat metall qoplama, qatlamlararo birikish, rangli filtrlar, OLED qatlamlari, sensorlar va qator qo‘shimcha komponentlardan iborat.

    Ishlab chiquvchilar uni smartfon va, ehtimol, planshetlarda vizual axborotni aks ettirish vositasi sifatida, shuningdek, daktiloskopik maqsadda qo‘llamoqchi.


    Manba: Daryo.uz

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Apple barmoq skaneriga ega OLED-ekran ishlab chiqdi