Apple kompaniyasi iPhone X modeli ekrani ko‘rsatkichlarini oshirib ko‘rsatishda ayblandi. Bu haqda Shimoliy Kaliforniya okrug sudiga berilgan da’vo arizasida aytilgan.
Ikki arzchining ta’kidlashicha, kompaniya ushbu modeldagi smartfon ekrani ko‘rsatkichlarini noto‘g‘ri ko‘rsatgan. Apple ma’lumotlariga ko‘ra, ekran o‘lchami 5,8 dyuymni tashkil qiladi. Arzchilar esa ushbu ko‘rsatkichning haqiqiy qiymati 5,6875 dyuymni, ya’ni ko‘rsatilgandan kamroqni tashkil qilishini ta’kidlashgan.
Bundan tashqari, kompaniya ekranning ko‘rsatish qobiliyatini ham noto‘g‘ri ko‘rsatgan. Kompaniyada ta’kidlanishicha, bu ko‘rsatkich 2436 x 1125 pikselni tashkil qiladi, biroq arzchilarning fikricha, aslida u pastroq qiymatga ega. Shuningdek, hamma piksellarning ham qizil, yashil va ko‘k subpiksellari bor emas.
Avvalroq iPhone’ning yangi modellari SquareTrade kompaniyasi o‘tkazgan mustahkamlikka sinovdan o‘ta olmagani ma’lum bo‘lgandi. Sinovlardan birida telefon 182 santimetrlik balandlikdan old va orqa tomoni bilan tashlangan. Birinchi holatda iPhone Xs va Xs Max jiddiy shikastlar olgan. Xs old tomoni bilan tashlanganda uning oynasi deyarli to‘liq singan, Xs Max’nikini esa darz qoplagan. Natijada mutaxassislar smartfon “zarbalarga, ayniqsa tushib ketishlarga bardoshsiz ekani” haqidagi xulosaga kelishgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?