Motorola Razr smartfonining xususiyatlari maʼlum qilindi (foto)

  • 14 mart 2019, 13:28
  • 1 850
  • Texnologiya
  • Motorola Razr smartfonining xususiyatlari maʼlum qilindi (foto)
    Foto: Mobidevices.ru
    Motorola kompaniyasi ancha vaqtdan beri buklama-smartfon ishlab chiqarilishi haqida maʼlum qilgandi. Aniqlanishicha, Motorolaʻning yangi buklama-smartfoni boshqa buklanuvchan smartfonlardan farq qiladi, deb yozadi “Daryo” nashri.

    Tafsiflarga koʻra, u eski buklama-smartfonni eslatadi. Faqat klaviaturali pastki qismi oʻrnida vertikal buklanuvchi yaxlit katta ekran boʻladi.
    Nashrining yozishicha, yangi smartfon dizayni avvalgisidan tubdan farq qiladi.

    Yangi Razr smartfoni 2142×876 pikselli 6,2 dyuymli displeyga ega boʻladi. Smartfon korpusida yana bir kichik displey joylashib, unda smartfon yopiq turganda bildirishnomalar va qoʻngʻiroqlar koʻrinadi.

    Foto: Mobidevices.ru
    Motorola Razr uch xil rangda chiqarilishi kutilmoqda: oq, qora va tilla.

    Ushbu smartfon Snapdragon 710 protsessorida ishlaydi va u toʻrt yoki sakkiz gigabayt operativ xotiraga ega boʻladi. Doimiy xotira esa modelidan kelib chiqqan holda 64 yoki 128 gigabaytli boʻladi.

    Dastlabki maʼlumotlarga koʻra, Motorola Razr buklama-smartfonining narxi 1500 dollar atrofida boʻlishi kutilmoqda.

    » » Motorola Razr smartfonining xususiyatlari maʼlum qilindi (foto)