Xavfli virus yuz minglab android foydalanuvchilarini «o‘marmoqda»

  • 06 sentyabr 2019, 17:38
  • 1 059
  • Texnologiya
  • Xavfli virus yuz minglab android foydalanuvchilarini «o‘marmoqda»
    Foto: «Cyber Monkey»
    Kiberxavfsizlik sohasidagi tadqiqotchilar «Joker» deb ataluvchi xavfli troyan virusini aniqlashdi. «Bleeping Computer»ning xabar berishicha, u «Google Play» do‘konida mavjud 24 ta ilovada yashiringan bo‘lgan. Virusli dasturni yuqtirganlarning umumiy soni 427 mingtadan oshib ketgan.

    Troyan zararlangan gadjetlarga buzg‘unchi dasturiy ta’minotni to‘laqonli yuklab olishga mo‘ljallangan. U o‘z o‘ljasi moslamasi haqida ma’lumot to‘playdi, undagi muloqotlar ro‘yxati va xabarlar matnini ko‘chirib oladi. Olgan ma’lumotlarni shifrlangan ko‘rinishda g‘arazgo‘y kimsalar serveriga yuboradi.

    Shuningdek, mexanizm kliker funksiyasini bajaradi (reklama saytlari bilan foydalanuvchi ishiga o‘xshaydi) va SMS kodlardan foydalanib premium-servis yuzerlarni «obuna qiladi».

    Xavfli dastur muayyan mamlakat foydalanuvchilariga qaratilgan: buning uchun u avtomatik ravishda «ro‘yxat»ga kiritilgan qurbonlarning mobil kodini taqqoslaydi. Hujum AQSh, Avstraliya, Buyuk Britaniya, Fransiya, Germaniya, Hindiston foydalanuvchilariga qaratilgan.

    «Google» virusli ilovalarni rasmiy ilova do‘konlaridan allaqachon o‘chirib tashlagan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Xavfli virus yuz minglab android foydalanuvchilarini «o‘marmoqda»