2 840
AOKA rahbarlari feyk akkauntlar va trollarga qarshi kurash bo‘yicha BAA tajribasi bilan tanishdi
Axborot va ommaviy kommunikatsiyalar agentligi delegatsiyasi BAAga tashrifining ikkinchi kunida ham amirlikning qator mulozimlari bilan uchrashuvlar o‘tkazdi. Bu haqda agentlik direktori Komil Allamjonov va uning o‘rinbosari Saida Mirziyoyeva ijtimoiy tarmoqlardagi sahifalarida ma’lum qilishdi.
Qayd etilishicha, delegatsiya 15 oktyabr kuni BAA Hukumat va kelajak ishlari vaziri Muhammad Al-Gergavi bilan uchrashgan.
«BAA vaziri bilan uchrashuvimiz internet va ijtimoiy tarmoqlardagi xavfsizlik masalasi butun dunyoning umumiy muammosiga aylanganini yana bir bor tasdiqladi. Yolg‘on xabarlar, ijtimoiy tarmoqlardagi feyk akkauntlar, trollar — barcha mamlakatlar uchun chinakam xatarga aylangan va unga qarshi keskin kurashlar kechmoqda.
Biz bu borada rivojlangan arab mamlakatining axborot sohasidagi tajribasi, ular qo‘llayotgan uslublar bilan tanishdik. Mamlakat imijini shakllantirish va PR sohasiga oid xalqaro ilg‘or tajribalar bilan o‘rtoqlashdik», – deb ma’lum qildi Allamjonov.
AOKA rahbarlari seshanba kuni Dubay amirligi hukumati Media ofisining Bosh direktori Mona Al Marri bilan ko‘rishgan.
«Uchrashuvda PR sohasidagi Dubay tajribasi, ikki mamlakat jurnalistlari va piar menejerlari uchun o‘zaro tajriba almashish imkoniyatlarini muhokama qildik», – deb yozadi Mirziyoyeva.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina askarlari Zelenskiyning bayonotiga kutilmagan munosabat bildirishdi
Isroilda minglab odamlar garovga olinganlarni ozod qilishni talab qildi
Permdagi saylov uchastkasida portlash yuz berdi
103 yoshli italiyalik ayol haydovchi jarimaga tortildi
Xitoy TIV: AQSH dunyodagi eng yirik dezinformatsiya manbai
Qirg‘iziston prezidenti masjidda namoz o‘qib, iftorlik berdi
Italiya TIV rahbari: "Ukrainaga qo‘shinlarimizni yuborish Uchinchi Jahon urushiga sabab bo‘ladi"
Markaziy bank: 2024 yil oxirigacha inflyatsiya 8−9 foizlik prognoz diapazoni doirasida shakllanadi