Charchagan shifokorlar mastlarga tenglashtirildi

  • 27 iyun 2018, 08:01
  • 4 456
  • Tibbiyot
  • Charchagan shifokorlar mastlarga tenglashtirildi
    Solsberi universiteti olimlari aniqlashicha, bir smenada 12 soat va undan ortiq ishlagan shifokor diqqatini jamlay olish bobida mast haydovchi bilan bir xil. Bu haqda «Daily Mail» xabari asosida «Xabar.uz» yozmoqda. Bunday holatda ishlagan shifokorlar, ayniqsa, jarrohlarning bemor o‘limiga sabab bo‘luvchi xatoga yo‘l qo‘yish ehtimoli 27 foiz ko‘proq.

    Shifokorlar va boshqa tibbiyot xodimlari ishtirokida o‘tkazilgan keng ko‘lamli tadqiqot mediklar ish smenasining 8 soatdan 12 soatga oshishi bemor uchun xavfli ekanini ko‘rsatmoqda. Alohida ta’kidlanishicha, 8 soat ishlab bo‘lgandan keyin hatto hamshiralar va anesteziologlarning ham ish qobiliyati susayib ketadi. Olimlar shifokorlar xatolarini kamaytirishning yagona chorasini ularning ish soatlarini qattiq nazorat qilishda ko‘rishyapti.

    Ammo ayni paytda yuzaga kelgan muammoning aybdori shifokorlar emas — olimlarning ta’kidlashlaricha, oxirgi yillarda tez yordam chaqirishlar va shoshilinch jarrohlik yordami ko‘rsatish bo‘limlariga tushganlar soni, og‘ir jarohatlar va jarroh ko‘rsatmasi talab etiladigan boshqa kasalliklarni davolashlar soni besh baravar ko‘paygan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Charchagan shifokorlar mastlarga tenglashtirildi