Toshkent hokimi Qirg‘iziston elchisi bilan o‘zaro hamkorlik masalalarini muhokama qildi

  • O'zbekiston
  • 11-01-2017, 22:16
  • 672
  • Toshkent hokimi Qirg‘iziston elchisi bilan o‘zaro hamkorlik masalalarini muhokama qildi

    Toshkent shahri hokimi Rahmonbek Usmonov 11 yanvar kuni Qirg‘izistonning O‘zbekistondagi elchisi Daniyar Sidikov bilan uchrashdi, deb yozadi Kun.uz sayti.

    Qirg‘iziston elchixonasi saytida xabar qilinishicha, tomonlar ikki mamlakat poytaxtlarining savdo-iqtisodiy va madaniy-gumanitar hamkorligi masalalarini muhokama etgan.

    Jumladan, qo‘shma korxonalar tashkil etish, turli sohalar, xususan, turar-joy kommunal va transport jabhalarida tajriba almashish bilan bog‘liq biznes-forumlar, davra suhbatlari o‘tkazish imkoniyatlari ko‘rib chiqilmoqda.

    Bundan tashqari, yaqin istiqbolda 2 davlat poytaxti madaniyat kunlarini o‘tkazishi muhokama qilingan.

    O‘z navbatida Toshkent hokimi A. Ibraimovni Bishkek merligi lavozimiga tayinlagani bilan muborakbod etgan va yaqin vaqtlar ichida o‘z tabrigini yuzma-yuz ko‘rishuvda yana bir bor izhor etish niyatida ekanini aytgan.

    Uchrashuv yakunida tomonlar barcha yo‘nalishlarda faol hamkorlik qilishga kelishib olgan.

    loading...