Turkiyada avtomobillarning davlat raqamlaridan FG inisiallari olib tashlanmoqda

  • Dunyo
  • 23-08-2016, 10:11
  • 1 006
  • Turkiyada avtomobillarning davlat raqamlaridan FG inisiallari olib tashlanmoqda

    Turkiya hukumati avtomobil davlat raqamlarida FG harflari birikmasini muomaladan chiqarish tadbirlarini boshladi. Bunga sabab FG Fathulloh Gulen ismining bosh harflari hisoblanadi. Bu haqda RIA Novosti'ga asoslanib Qalampir.uz xabar bermoqda.

    Turkiyaning Xavfsizlik bo‘yicha bosh boshqarmasi 2014 yildan keyin chiqarilgan xususiy va davlat avtomobillaridagi FG harflar birikmasini muomaladan chiqarib tashlamoqda.

    15 iyulda Turkiyada amalga oshirilgan davlatga qarshi isyondan so‘ng, olib borilgan tergov natijasida FETO (Fathulloh terrorchi tashkiloti)ga aloqador kishilarda bir AQSh dollari kupyurasi topilgan. Ulardagi raqamlar va harflarning ketma-ketligi Gulen tarafdorlarining ierarxiyasi haqida guvohlik beradi.

    Turkiyada 15 iyulda bo‘lgan davlat to‘ntarishiga harakat natijasida 242 kishi halok bo‘ldi, ikki mingga yaqin odam jarohatlandi. Hukumat isyonda FETOni ayblab kelmoqda.

    loading...
    Яндекс.Метрика