2016 yilning oxirida AQShning 30 ga yaqin shahrida haydovchisiz avtomobillar paydo bo‘ladi, chunki butun mamlakat bo‘ylab ushbu avtomobillarni sinovdan o‘tkazish dasturi boshlab yuborildi.
Google kompaniyasi o‘zining haydovchisiz avtomobillarni Kaliforniya yo‘llarida sinovdan o‘tkazishni boshlash bo‘yicha rejalarini nazorat qiluvchi idoralar bilan kelishmovchilik yuzaga kelgani sababli qoldirishiga to‘g‘ri keldi. Kompaniya bu sinovlarni AQShning boshqa shtatlarida o‘tkazishni rejalashtirmoqda.
Yaqin oylarda Florida va Shimoliy Karolina shtatlarida, shuningdek Sietl shahrida haydovchisiz avtomobillarni sinovdan o‘tkazish loyihalari amalga oshiriladi. Bu erlarda haydovchisiz 70 o‘rindiqli avtobus yo‘llarda harakatlanishni boshlaydi.
Bu loyihalarni Comet konsalting firmasi muvofiqlashtirib boradi. Ushbu firma haydovchisiz avtomobillar parkini oshirishni qo‘llab-quvvatlamoqda.
“Biz haydovchisiz avtomobillarni kollejlar kampuslari, tematik parklar, aeroportlar, shaharning markazlarida sinovdan o‘tkazishni rejalashtirmoqdamiz. Bu avtomobillar xuddi liftga o‘xshaydi: siz uning ichiga kirasiz, kerakli manzilni ko‘rsatasiz, eshik yopiladi va manzil sari yo‘l olasiz”, deb aytdi ushbu avtomobillarning tarafdorlaridan biri Kori Klozir New York Observer nashriga bergan intervyusida.
Bu avtomobillarning tarafdorlari nashrga ushbu avtomobillar yaqinda Grinvillda (Janubiy Karolina), Stendford universiteti va Nyu-Yorkdagi AQSh Harbiy akademiyasida sinovdan o‘tkazilishini ma’lum qildi. Bu loyihalarga qiziqishning paydo bo‘lishi qolgan shtatlarni ham shunday dasturlarni boshlashga undaydi, deb umid bildirilmoqda.
Manba: www.kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?