10:40 / 10.11.2017
7 185

Rossiyada ko‘p qavatli uyning bir qismi qulab tushdi

Rossiyada ko‘p qavatli uyning bir qismi qulab tushdi
Rossiyaning Ijevsk shahrida favqulodda baxtsiz hodisa ro‘y berganligi haqida xabar berildi. Ushbu voqea Ijevskdagi ko‘p qavatli uylarning birida sodir bo‘lgani aytilmoqda.

Mahalliy jurnalistlarning xabar berishicha, uyning bir qismi qulashi natijasida uch nafar kishi halok bo‘lgan. Ulardan biri bolakay ekani ma’lum qilingan.

Udmurtiya Sog‘liqni saqlash vazirligi bergan xabarga ko‘ra, to‘rt nafar shaxs jabrlangan. Ularning ikkitasi o‘smirlar, 55 yoshli ayol va FVV xodimi ekani qayd etildi.

Aniqlashtirilgan ma’lumotlarga ko‘ra, payshanba, 9 noyabr kuni shahar markazidagi to‘qqiz qavatli uyning bir qismi qulagan. 28 nafar shaxs yashaydigan 8 ta xonadon qulab tushgan. Taxminlarga ko‘ra, gaz portlashi oqibatida uyning kirish qismi qulagan.

Uyning boshqa aholisi ko‘chirilgan bo‘lib, qutqaruvchilar uyning qulagan qismida qutqaruv ishlarini olib borayotganlari aytilgan.

Uyning keyingi taqdiri unda tekshiruvlar o‘tkazilganidan keyingina aniq bo‘ladi.

Tergovchilar qurilish ishlari yuzasidan jinoyat ishi qo‘zg‘atganliklari ma’lum qilingan.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Rossiyada ko‘p qavatli uyning bir qismi qulab tushdi