Qozog‘istonda 17 nafar o‘zbekistonlikni olib ketayotgan mikroavtobus ag‘darildi, qurbonlar bor

  • Dunyo
  • 22-04-2018, 13:19
  • 1 694
  • Қозоғистонда 17 нафар ўзбекистонликни олиб кетаётган микроавтобус ағдарилди, қурбонлар бор
    Hodisa joyidan kadr: Tengrinews
    Qozog‘istonning Jambul viloyati, Korday tumanidan o‘tuvchi «G‘arbiy Yevropa — G‘arbiy Xitoy» avtomobil yo‘lining 205 kilometrida 21 aprel, soat 07:40 da «Olmaota-Chimkent» yo‘nalishida harakatlanayotgan, davlat raqami 048 AXZ/13 bo‘lgan Mersedec Sprinter mikroavtobusi tosh uyumiga urilib, halokatga uchradi. Bu haqda O‘zbekiston FVV axborot xizmati xabariga tayanib Daryo ma’lum qilmoqda.

    Mikroavtobusda 19 kishi bo‘lib, ularning 17 nafari O‘zbekiston, 2 nafari Qozog‘iston fuqarosi bo‘lgan.

    Yo‘l-transport hodisasi oqibatida 3 kishi halok bo‘ldi, 8 kishi yaralandi. Dastlabki ma’lumotlarga ko‘ra, halok bo‘lganlarning ikki nafari O‘zbekiston, bir nafari Qozog‘iston fuqarosi.

    Jarohatlanganlarning barchasi o‘zbekistonlik bo‘lib, Jambul viloyatining Korday tumani markaziy kasalxonasiga joylashtirildi.

    YTH oqibatida halok bo‘lganlar:
    Sh.Madatov, 1977 yilda tug‘ilgan;
    A. Teshabayev, 1971 yilda tug‘ilgan.

    Halok bo‘lganlarning jasadi Korday tumani markaziy kasalxonasida saqlanmoqda.

    YTH oqibatida jabrlanganlar:
    M. Nurpeisov, 1965 yilda tug‘ilgan;
    I. Jamalov, 1971 yilda tug‘ilgan;
    A. Hakimov, 1969 yilda tug‘ilgan;
    B. Kalmurzayev, 1994 yilda tug‘ilgan;
    E. Husanov, 1986 yilda tug‘ilgan;
    X. Davronov, 1976 yilda tug‘ilgan;
    A. Madatov, 1968 yilda tug‘ilgan;
    D. Madatov, 1981 yilda tug‘ilgan.

    O‘zbekiston FVV «Tezkor raqamlari»: (+998 71) 147-10-50;
    O‘zbekistonning Qozog‘istondagi elchixonasi: (+7 727) 291-06-44.

    » » Qozog‘istonda 17 nafar o‘zbekistonlikni olib ketayotgan mikroavtobus ag‘darildi, qurbonlar bor
    Яндекс.Метрика