11:15 / 24.04.2018
4 451

Xitoyda ko‘chani qizil chiroqda kesib o‘tuvchilar antiqa usulda jazolanmoqda (video)

Xitoyda ko‘chani qizil chiroqda kesib o‘tuvchilar antiqa usulda jazolanmoqda (video)
Xitoyning Xuanshi shahrida piyodalarni ko‘chani svetoforning qizil chirog‘iga kesib o‘tish odatini tashlashlariga chorlovchi qurilma sinovlari boshlandi, deb yozadi Kun nashri.

Shahardagi gavjum chorrahalardan biridagi piyodalar o‘tish joyida, trotuar chekkasida infraqizil datchiklari va suv purkagichlari bo‘lgan metall ustunchalar o‘rnatila boshlandi. Qurilma yo‘ldan o‘tish taqiqlangan vaqtda ko‘chani kesib o‘tishga urinuvchi odamlarga suv purkay boshlaydi.

Yangi qurilma xitoylik ijtimoiy tarmoq foydalanuvchilarida samaraliligi borasida ko‘plab savollar uyg‘otgan. “Unda yomg‘ir vaqtida qizil chiroqqa o‘tish mumkin ekanda?”, deb kinoya qilgan bir foydalanuvchi. Yana bir foydalanuvchi esa “U yerga kampirlar suv olgani borishlaridan qo‘rmaydilarmi?” deb qiziqqan.

Avvalroq Xitoyning Dachjou shahrida yo‘l harakati xavfsizligi qoidabuzarlariga internet orqali qilmishlari uchun uzr so‘rab, kamida 20 ta “layk” to‘plasalar, jarima to‘lamasliklariga ruxsat berilgandi. Ta’kidlanishicha, bu tajriba piyodalar, velosipedchilar va motorollerlar haydovchilari sodir etadigan mayda qoidabuzarliklarga taalluqli.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Xitoyda ko‘chani qizil chiroqda kesib o‘tuvchilar antiqa usulda jazolanmoqda (video)