21:30 / 22.09.2018
4 619

Vyetnam prezidentining oʻlimi sababi aniqlandi

Vyetnam prezidentining oʻlimi sababi aniqlandi
Foto: “RIA Novosti”
Kecha, 21 sentyabr kuni vafot etgan Vyetnam prezidenti Chan Day Kuang kam uchraydigan, ammo toʻliq davolashning imkoni boʻlmagan virus tufayli vafot etgan, deb yozgan mahalliy gazeta “VnExpress” Vyetnam Sogʻliqni saqlash vazirligi vakiliga tayanib.

Vyetnam Sogʻliqni saqlash vazirligi markaziy boshqarmasi boshligʻi Nguyen Kvok Chiyeuning aytishicha, prezident kam uchraydigan virus bilan kasallangan.

Uning soʻzlariga koʻra, davlat rahbari 2017 yil iyul oyida kasallangan. Shundan beri olti marta Yaponiyaga borib davolanib kelgan.

“Yaponiyalik mutaxassislar va shifokorlar bir yil davomida prezidentni davolashdi. Lekin uni toʻliq tuzatadigan dori yoʻq. Borlari bilan ham faqat bu kasallik kuchayishining oldini olish mumkin”, – degan Nguyen Kvok Chiyeu.

Shu kunlarda uning sogʻligʻi yomonlashgan va shifoxonaga tushib qolgan. Prezident 17 soat mobaynida koma holatida yotgan va oʻziga kelmagan.

Chan Day Kuang 62 yoshida Xanoya markaziy shifoxonasida olamdan oʻtgan.

Manba: Xabar.uz

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Vyetnam prezidentining oʻlimi sababi aniqlandi