Ўзбекистон автомобилсозлари 2016 йилнинг январь-сентябрь ойларида ўзи учун янги бозорлар — БАА, Ливан, Иордания, Ироқ, Гана, Сенегал, Кот-д’Ивуар, Сомали, Нигерияга енгил автомобиллар экспорт қилди. Бу ҳақда Carzone.uz ёзмоқда.
Бундан бошқа яна қайси мамлакатларга Ўзбекистонда ишлаб чиқарилган автомобиллар экспорт қилингани ҳақида аниқ ахборот йўқ. Шунингдек, номлари зикр этилган мамлакатларнинг ҳар бирига қанча автомобиль етказиб берилгани ҳақида қўшимча ахборот берилмаган. Экспорт қилинган автомобиллар русуми ҳам маълум эмас.
2016 йилнинг биринчи ярим йиллиги якунлари бўйича эълон қилинган ҳукумат ҳисоботида, Ўзбекистон БААдан ташқари Жанубий Африка Республикасига ҳам енгил автомобиллар экспорт қилишни йўлга қўйгани ҳақида маълумот берилган эди.
Россияда ўзбек автомобилларига нисбатан талаб кескин тушиб кетгани сабаб, “Ўзавтосаноат” давлат компанияси ўзи учун янги бозорлар изламоқда. Жумладан, 2015 йилда компания Дубайда Яқин Шарқ ва Африка мамлакатлари вакиллари учун Ўзбекистон автомобиллари тақдимотини ўтказган.
Бундан ташқари, шу йили ЖАР, Миср, Габон, Ангола, Кот-д’Ивуар, Кабо-Верде, Мадагаскар ва Ганага Ўзбекистонда ишлаб чиқарилган автомобиллар синов тариқасида етказиб берилган. 2016 йил бошида эса ўзбек автомобилларини Ироқ, Ливия, Ливан, Иордания, Тунис ва Нигерияга етказиб бериш имкониятлари ўрганиб чиқилаётгани маълум қилинган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Зеленский: Россия Украинанинг иссиқлик энергетикасини деярли тўлиқ яксон қилди
Бизнес имкониятингизни кенгайтиринг
Тадбиркорларга қўлланадиган молиявий жарима камайтирилади
Қондаги шакар миқдорини тартибга солувчи фойдали мева номи айтилди