Роналду Европанинг энг кўп ҳақ тўланадиган юлдузлари рейтингида иккинчи ўринни эгаллади

АҚШнинг Forbes журнали Европанинг энг юқори ҳақ тўланувчи юлдузлари рейтингини тузди. Гастроллар ва реклама шартномалари бўйича 110 миллион доллар ишлаб топган One Direction гуруҳи (Британия) рейтинг бошига келди, деб хабар беради «Дарё» нашри.

Иккинчи ўринни Криштиану Роналду эгаллади — «Реал» юлдузининг даромади 88 миллион долларни ташкил қилди. Учликка эса 80,5 миллион доллар кўрсаткич билан хонанда Адель якун ясади.

Кейинги поғоналарни швейцариялик теннисчи Рожер Федерер (68 миллион доллар), Британиянинг The Rolling Stones гуруҳи (66,5 миллион доллар) шотландиялик дижей Келвин Харрис (63 миллион доллар) забт этди.

Бундан ташқари, биринчи ўнликка Британиянинг The Beatles гуруҳи собиқ яккахони Пол Маккартни (56 миллион доллар), сербиялик теннисчи Новак Жокович (56 миллион доллар), Ирландиянинг U2 гуруҳи (55 миллион доллар) ҳамда британиялик ошпаз Гордон Рамзи (54 миллион доллар) кирди. «Замин» янгиликларини «Вконтакти»да кузатиб боринг