15:50 / 06.10.2016
6 339

Ubuntu базасидаги Dell XPS 13 сотувга чиқарилди

Ubuntu базасидаги Dell XPS 13 сотувга чиқарилди

Linux Ubuntu дастурини етказиб беришга ихтисослашган Canonical компанияси АҚШ ва Европа мамлакатларида Dell XPS 13 моделидаги ультрабук савдолари бошлангани тўғрисида хабар берди. Мазкур ультрабук Ubuntu 16.04 LTS операцион тизимида ишлайди. Бу ҳақда "Terabayt.uz" хабар берди.

Dell XPS 13 моделига еттинчи авлод Intel Core (Kaby Lake архитектурасида) процессори ўрнатилган бўлиб, автоном ишлаш самарадорлиги бир неча баробарга ошган. Бундан ташқари, ультрабукнинг “пушти тилла” рангли варианти ҳам тайёрланган, қурилма Thunderbolt 3 порти ва такомиллашган Wi-Fi модули билан жиҳозланган.

Full HD аниқлигидаги экран ўрнатилган ультрабук версиясида автоном ишлаш вақти 22 соатга етади, QHD вариантида эса бу кўрсаткич 13 соатни ташкил қилади.

Моделнинг Full HD дисплейли, Intel Core i5 процессори ўрнатилган, 8 ГБ тезкор ва 128 ГБ SSD хотира ўрнатилган версияси 949,99 доллар нархида ҳозирча АҚШ ва Европа мамлакатларида сотувга чиқарилган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Ubuntu базасидаги Dell XPS 13 сотувга чиқарилди