11:58 / 19.05.2017
6 951

Telegram’да энди онлайн-тўловларни амалга ошириш мумкин

Telegram’да энди онлайн-тўловларни амалга ошириш мумкин
Telegram мессенжерида Bot Payments онлайн-тўловлар сервиси ишга тушди, деб хабар берди компания ўз расмий сайтида. Бу ҳақда Kun.uz нашри маълум қилмоқда.

Аввалроқ "Ведомости" газетаси, Telegram асосчиси Павел Дуров Instagram’да ботлар ёрдамидаги янги тўловлар сервиси ишга туширилиши ҳақидаги матбуот релизининг хомаки нусхасини эълон қилгани ҳақида хабар берганди.

"Агарда сизда 4.0 версиядаги (ва ундан юқори) Telegram ўрнатилган бўлса, эндиликда тегишли ботлардан товарлар ёки хизматларга буюртма беришингиз мумкин. Эндиликда бу ботлар ўз хабарларига Pay тугмачасини қўшиши мумкин", - дейилади хабарда.

Таъкидланишича, айни дамда тўловларнинг катта қисми Stripe тизими ёрдамида қайта ишланади, бироқ яқин вақт ичида тўловлар Ҳиндистондан бўлган ишлаб чиқарувчиларга RazorPay, Нигерия, Кения, Гана, Жанубий Африка ва Угандадан бўлганларга эса FlutterWave ҳамда бошқа 190 га яқин давлатда PaymentWall ёрдамида тақдим этилиши мумкин.

Бироқ, компаниянинг таъкидлашича, "Россия учун Яндекс.Деньги ва Qiwi ҳамда Ўзбекистон учун Payme бироз кейинроқ ишга тушади".

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Telegram’да энди онлайн-тўловларни амалга ошириш мумкин