Жорий йилнинг 8 сентябрида Олий Мажлис Қонунчилик палатаси ва Сенати Ўзбекистон Республикаси Президентининг вазифа ва ваколатларини бажаришни вақтинча Ўзбекистон Республикаси Бош вазирига юклаш тўғрисидаги ўта муҳим қарорни қабул қилди.
Ўзбекистон Республикаси Олий Мажлиси Қонунчилик палатаси девони юридик бўлими бошлиғи ўринбосари Б.Ражабов мазкур қарор юзасидан ўз фикрини билдириб ўтди.
— Бугунги кунда баҳсли мавзу бўлиб турган Конституциямизниг 96-моддасига эътибор берайлик. Унда, “Ўзбекистон Республикасининг амалдаги Президенти ўз вазифаларини бажара олмайдиган ҳолатларда унинг вазифа ва ваколатлари вақтинча Ўзбекистон Республикаси Олий Мажлиси Сенати Раисининг зиммасига юклатилади” дейилган. Эътибор беринг, вазифа ва ваколатлар ўз-ўзидан автоматик тарзда ўтиб қолмайди, балки айнан юклатилади.
Ким томонидан юклатилиши ҳам Конституциямизнинг 10-модасида аниқ-тиниқ ёзиб қўйилган: Ўзбекистон халқи номидан фақат у сайлаган Республика Олий Мажлиси ва Президенти иш олиб бориши мумкин.
Жамиятнинг бирон-бир қисми, сиёсий партия, жамоат бирлашмаси, ижтимоий ҳаракат ёки алоҳида шахс Ўзбекистон халқи номидан иш олиб боришга ҳақли эмас.
Бундан келиб чиқадики, Олий Мажлисдан бошқа ҳеч қайси орган халқ номидан иш кўриши ва тегишли ваколатларни кимнингдир зиммасига юклашга ҳақли эмас. Қолаверса, Конституциямизнинг ва бошқа қонунларимизнинг кўпгина моддалари мазкур қарорнинг қонунийлигини кафолатлайди.
Манба: Даракчи.уз “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Футзал. Осиё Кубоги. Тожикистон Японияни гуруҳда қолдирди
Damas учун онлайн контрактация очилади
Америкалик олимлар барча учун бирдек фойдали жисмоний фаоллик турини аниқлади
АҚШнинг Суриядаги ҳарбий базасига ракеталар ҳужум қилди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Ўзбекистонда ўтган уч ойда қанча автомобиль ишлаб чиқарилган?