13:34 / 16.02.2015
12 639

Тошкент шаҳридаги 72-мактабнинг ёпилиши расман тасдиқланди

Тошкент шаҳридаги 72-мактабнинг ёпилиши расман тасдиқланди

Тошкент шаҳар Яккасарой тумани Халқ Таълими Муассасалари фаолиятини методик таъминлаш ва ташкил этиш бўлими 72-сонли умумтаълим мактабининг биноси Тошкент шаҳар педагогларни қайта тайёрлаш ва малакасини ошириш институти ихтиёрига ўтишини тасдиқлади, деб хабар бермоқда «Uz24.uz».

Бундан аввал 72-мактаб ўқувчиларининг ота-оналари томонидан Facebook даги “Жамоатчилик назорати” гуруҳига Яккасарой ТХТМФМТТЭБ га тақдим этилган расмий хат жойлаштирилган эди. Унда мазкур мактаб ўқувчилари ва педагогик жамоасини 73-сонли мактабга кўчириш тўғрисида сўз борган.

Тошкент шаҳар ҳокимининг 2015 йил 9 январдаги 10-сонли қарорига асосан, ушбу мактабнинг бино ва иншоотлари Тошкент шаҳар педагогларни қайта тайёрлаш ва малакасини ошириш институти балансига ўтказиш белгиланди. Шу сабабли 351 нафар ўқувчи таҳсил оладиган 72-мактаб жамоаси 73-мактабга кўчирилади. Ота-оналарнинг истакларини инобатга олган ҳолда ўқувчилар яқин ҳудудда жойлашган Яккасарой туманидаги 89-, 91-, 160-сонли ҳамда Миробод туманидаги 110-сонли мактабларда ўқишни давом эттиришлари мумкин бўлади.


Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Тошкент шаҳридаги 72-мактабнинг ёпилиши расман тасдиқланди