17:35 / 13.03.2015
6 756

Қозоғистон мансабдор шахсларнинг компьютерларига хакерлик ҳужуми уюштирган шахсларни Нью-Йорк судига топширди

Қозоғистон мансабдор шахсларнинг компьютерларига хакерлик ҳужуми уюштирган шахсларни Нью-Йорк судига топширди

Қозоғистон ҳукумати ўз компьютерларига ноқонуний равишда кириб, улардаги мансабдор шахсларнинг махфий электрон ёзишмаларини ўғирлаб, уларни чоп этган номаълум хакерлар устидан Нью-Йоркнинг Манхэттен туманида судига даъво аризаси топширди. Бу ҳақда 12 март куни Bloomberg агентлиги хабар берди.

Агентлик маълумотларига кўра, минглаб хатлар, шу жумладан, Қозоғистон бош прокурори ўринбосари Андрей Кравченко ва Адлия вазирлигининг масъул котиби Марат Бекетаевнинг Нью-Йоркда жойлашган Curtis Mallet-Prevost Colt & Mosle LLP юридик идорасига юборган хатлари тарқатиб юборилган. Таъкидланишича, ушбу фирманинг адвокатлари Қозоғистон ҳукумати томонидан ёлланган бўлган.

Ёзишув, хусусан, Facebook ижтимоий тармоғида ва бошқа кўплаб интернет-сайтларда чоп этилган. Қозоғистон ҳукумати компьютерларига ноқонуний кирилганлиги жорий йилнинг январь ойи охирида маълум бўлган эди. Қозоғистоннинг даъво аризасида мамлакат ушбу воқеа юзасидан тергов ишлари олиб бораётганлиги маълум қилинган.

Манба: www.kun.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Қозоғистон мансабдор шахсларнинг компьютерларига хакерлик ҳужуми уюштирган шахсларни Нью-Йорк судига топширди