Тошкентда ичида йўловчилар бўлган маршрутка ағдарилиб кетди

  • Жамият
  • 18-09-2016, 19:02
  • 1 380
  • Тошкентда ичида йўловчилар бўлган маршрутка ағдарилиб кетди

    Бугун соат 9да Тошкент шаҳрининг Чилонзор тумани ҳудудида Lacetti ва «Газель» маркасидаги йўналишли такси иштирокида йўл-транспорт ҳодисаси рўй берган, деб ёзмоқда "Кун" нашри. Ушбу икки транспорт воситаси тўқнашиши оқибатида ичида йўловчилар бўлган 29-йўналишдаги маршрутка ағдарилиб кетган.

    Гувоҳларнинг маълумотларига кўра, авария айнан «Газель» ҳайдовчиси сабабчи бўлган. У бу вазиятда тезликни оширганди.

    Дастлабки маълумотларга кўра, ҳодиса оқибатида ҳалок бўлганлар йўқ.

    Nuz.uz нашри маълумотига кўра, маршрутканинг бир неча йўловчиси жароҳатланган ҳолда шифохонага олиб кетилган.