Тошкентда ноқонуний валюта айирбошчилари қўлга олинди » Ўзбекистон янгиликлари – Zamin.uz

Тошкентда ноқонуний валюта айирбошчилари қўлга олинди

Жамият 12-03-2015, 21:26 1 388
Тошкентда ноқонуний валюта айирбошчилари қўлга олинди

“Ҳуқуқ” газетасида келтирилган маълумотга кўра, Тошкентда ноқонуний валюта олди-сотдиси билан шуғулланувчи Санжар Саминов ва Шоҳсанам Носировалар (исм-шарифлар ўзгартирилган) қўлга олинган.

Маълум бўлишича, улар узоқ вақт мобайнида чет эл валюта қимматликларининг қонунга хилоф олди-сотдиси билан шуғулланиб келишган. Санжар Саминов уюшган жиноий гуруҳ тузиб, бир неча кишига ишларни тақсимлаб келган. Гуруҳ аъзолари чет эл валютаси олди-сотдисини юритиб, Саминовга ҳисобот бериб турган. СВОЖЖДЛҚК департаментининг Тошкент шаҳар бошқармаси томонидан “Миробод деҳқон бозори” ОАЖ ҳудудида ўтказилган тезкор тадбирда гуруҳ аъзоси Шоҳсанам Носирова фуқаро М. Наримоновга 100 АҚШ долларини ноқонуний равишда сотаётган вақтда ушланиб, унинг ёнидан 470 АҚШ доллари ва 2 млн 350 минг сўм пул ашёвий далил сифатида олиб қўйилган. Бундан ташқари, жиноий гуруҳнинг бошқа аъзолари ҳам қўлга тушган.

Жиноят тафсилотлари юзасидан суд айбдорларга қонунда кўрсатилган жазони тайинлаб, жиноий гуруҳ аъзоларига тегишли “Кобальт” ва “Матиз” русумли автомашиналарни давлат фойдасига ўтказган.

Манба: www.kun.uz
loading...


Zamin.uz нинг Google+’даги расмий каналига обуна бўлиб, янгиликлардан хабардор бўлинг.