Юз ёшли британиялик эгизак аёллар узоқ яшаш сирлари билан ўртоқлашишди » Ўзбекистон янгиликлари – Zamin.uz

Юз ёшли британиялик эгизак аёллар узоқ яшаш сирлари билан ўртоқлашишди

Жамият 26-11-2016, 16:44 654
Юз ёшли британиялик эгизак аёллар узоқ яшаш сирлари билан ўртоқлашишди

Буюк Британиянинг Вустершир графлигидаги Сторпорт-он-Северн шаҳрида яшовчи эгизак опа сингиллар ўзларининг бир асрлик таваллуд айёмларини нишонлашди ва узоқ умр кўриш сирлари билан ўртоқлашди, деб хабар берди “Даракчи” нашри.

Улар узоқ умр кўришнинг асосий сабаби соғлом овқатланиш тартибига риоя этиш ва меҳнатсеварлик эканлигини таъкидлашди.

Ирен Крамп (Irene Crump) ва Филлис Джонс (Phyllis Jones) 25 дақиқалик фарқ билан дунёга келишган. Улар 20 ноябрь куни туғилган кунини нишонлашди ва бир асрдан бери бир-биридан айро яшамаганликларини маълум қилди. Эгизаклар битта мактабда ўқишган, битта корхонада меҳнат қилишган, бир жойда яшашган ва ҳеч қачон бир-биридан узоқда яшамаган. Ҳозирда уларга Жонснинг 58 ёшли Карл исмли ўғли ғамхўрлик қилади.

Ирен ва Филлис Буюк Британияда юз ёшга кирган 6 жуфт эгизаклардан бири ҳисобланади. Уларнинг Дороти исмли опаси ҳам бўлган, у 2006 йилда 92 ёшда вафот этган.


Zamin.uz нинг Google+’даги расмий каналига обуна бўлиб, янгиликлардан хабардор бўлинг.