Тошкентда ёниб кетган автобус 86-маршрутга тегишли бўлгани маълум қилинди

  • Жамият
  • 17-03-2015, 23:52
  • 3 306
  • Тошкентда ёниб кетган автобус 86-маршрутга тегишли бўлгани маълум қилинди

    17 март куни, соат 17:25 да Тошкент шаҳридаги “Чилонзор буюм бозори” яқинида Mercedes-Benz Conecto Low Floor русумли автобус ёниб кетгани хабар қилинган эди.

    Аниқланишича, бу автобус 86-маршрут бўйича ҳаракатланган.

    Газета.уз нашри “Тошшаҳартрансхизмат” актсионерлик компаниясидан олган маълумотга кўра, автобусда ёнғин чиққанида, ҳайдовчи ва йўловчилар биргаликда ёнғинни ўчириш ҳаракатларини амалга оширишган. Ўт ўчирувчилар воқеа жойига етиб келишгач, ёнғин бутунлай ўчирилган. Ҳодиса оқибатида жароҳатланганлар йўқлиги айтилган.

    Айни вақтда ёнғиннинг келиб чиқиши сабаблари ўрганилмоқда.

    Маълумот учун, 2013 йилдан буён пойтахтда 8 марта йўловчи автобуси ёниб кетган.

    Манба: www.kun.uz