«Зеромакс» бош ижрочи директори Миродил Жалолов озодликка чиқди » Ўзбекистон янгиликлари – Zamin.uz

«Зеромакс» бош ижрочи директори Миродил Жалолов озодликка чиқди

  • Жамият
  • 5-01-2017, 18:36
  • 1 946
  • «Зеромакс» бош ижрочи директори Миродил Жалолов озодликка чиқди

    Халқ орасида Одилбой деб аталувчи йирик тадбиркор, “Зеромакс” ширкатининг бош ижрочи директори Миродил Жалолов озодликка чиқарилган. Манбаларнинг етказишича 4 декабр куни соат 11ларда Жалолов суд залидан озод этилган ва Тошкентдаги ҳовлисига жўнаб кетган. Бу ҳақда Sof.uz сайти ва бошқа бир қатор нашрлар ёзмоқда.

    Интенет тармоғида тарқалган суд ажрими нусхасида “Судланувчи Джалолов Миродил Сабитовичга нисбатан қўлланилган қамоққа олиш тарзидаги эҳтиёт чораси ўзгартирилсин ва унга нисбатан муносиб хулқ-атворли бўлиш ҳақида тилхат эҳтиёт чораси қўлланилсин. Джалолов Миродил Сабитович дарҳол суд залида қамоқдан озод қилинсин” деб ёзилган.

    2010 йилда иқтисодий жиноятлар содир этганлиги айби билан қамоққа олинган Миродил Жалолов Швейцарияда қайд этилган йирик "Zeromax" компанияси раҳбари сифатида иш олиб борганди. У шунингдек, “Бунёдкор” футбол клуби президенти сифатида ҳам фаолият олиб борган.