Салим Абдувалиев МОҚ вице президенти лавозимига сайланди » Ўзбекистон янгиликлари – Zamin.uz
07-01-2017 | 01:29 ZAMIN.UZ / Жамият / 07 Январ 2017
851

Салим Абдувалиев МОҚ вице президенти лавозимига сайланди

Салим Абдувалиев МОҚ вице президенти лавозимига сайланди

6 январь куни Миллий олимпия қўмитасининг XXX Бош Ассамблеяси йиғилиши бўлиб ўтди. Тадбирда Ўзбекистон Республикаси Бош вазири Абдулла Арипов иштирок этди.

Тадбирни Ўзбекистон Республикаси Бош вазири ўринбосари Адҳам Икрамов олиб борди. Унда Ўзбекистон Миллий олимпия қўмитаси президенти лавозимига “Ўзбекнефтегаз” миллий холдинг компанияси раиси Алишер Султонов сайланди.

Йиғилишда тўрт йиллик олимпия циклида қилинган ишлар, эришилган натижалар борасида қўмита бош котиби Ойбек Касимов ҳисобот берди.

Бош Ассамблея йиғилишида Миллий олимпия қўмитасининг тўрт йилиик циклдаги фаолияти қониқарли деб бир овоздан қабул қилинди.

Шунингдек қўмита вице президентлари сифатида Валерий Тян, Салим Абдувалиев, Фарҳод Турдиев ва Умид Аҳмаджоновлар сайланишди. Ойбек Касимов эса Бош котиб лавозимига қайта сайланди ва фаолиятини давом эттирадиган бўлди.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.