АҚШ президенти Барак Обама вице-президент Жо Байденга Президент озодлик медалини топширди, деб хабар беради "Kun.uz". У АҚШнинг энг юқори иккита фуқаролик мукофотларидан бири саналади.
Тантанали маросим Байденни Оқ уйдан кузатиш пайтида ўтказилди.
Обама Байденга ҳазил тариқасида мурожаат қилиб, нутқ сўзлади. “Бу интернет учун бизнинг мустаҳкам дўстлигимиз ҳақида гапиришга сўнгги имкониятдир”, - маълум қилди Обама.
Шунингдек, у Байденга Вашингтонга ташриф буюрган “Рим папаси Франциск билан гаплашиб олиш” учун рухсат берганига ҳам миннатдорчилик билдирди. Обама Байденни поп-қўшиқчи Леди Гага билан дўстлашиб олгани учун ҳам мақтаб ўтган. Унинг сўзларига кўра, Байден президент самолётида Оқ уй ишчиларини қўрқитиш учун турли шумликларни ўйлаб топган экан.
“Бу сиз қачонлардир кўрган энг яхши вице-президент”, - маълум қилди Обама. Байден эса бу вақт кўз ёшларини артиш билан овора эди. Давлат раҳбарининг сўзларига кўра, Байден – “уддабурон, ишончли, камтарин ишчи, ватанпарвар, бироқ биринчи ўринда ажойиб оила бошлиғи”.
Байден эса ўз нутқида анча кутилмаган ҳазилларга ўчлигини яна бир бор исботлади. У рафиқаси Жилл ҳақида гапирар экан, шундай деди: “Ҳамма мен уни кўпроқ севишимни билади, бунга жиддий сабаблар бор”.
Байден вице-президент конституцияга кўра ўз ҳокимиятига эга эмаслигини таъкидлаб ўтди. Унинг фикрича, шундай бўлиши ҳам керак. Байден Обамага турли масъулиятли ишларни топширгани учун миннатдорчилик билдирди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади