Қирғизистон Республикаси пойтахти Бишкекда ҳуқуқни муҳофаза қилиш органлари томонидан снайпер аёл қўлга олинди.
Аёлнинг айтишича, у Донбассда кечаётган фуқаролик урушларида снайпер бўлиб хизмат қилган. Маълум бўлишича, у Олий суд биносига ўқ-дорилар киритишга ҳаракат қилган.
Қирғизистон ҳуқуқни муҳофаза қилиш органлари томонидан 40 ёшли снайпер аёл суд биноси олдида қўлга олинган. Шунингдек, унинг ёнида 7,62 миллиметрлик патрон борлиги ҳам аниқланган.
“Ҳибсга олинган шахс тергов давомида Донбассда снайпер бўлиб ишлаганини, бироқ патронларни Бишкек яқинидаги чуқурликдан топиб олганини таъкидлади. Ҳозирда бу бўйича текширув иши олиб борилмоқда. Шунингдек, ҳозирда аёл нима учун айнан суд биносига киришга ҳаракат қилгани аниқланмоқда”, дейди Бишкекнинг ички ишлар бошқармаси матбуот хизмати.
Ҳозирда мазкур масала бўйича “қурол-аслаҳа, ўқ-дорилар, портловчи моддаларни ноқонуний олиш, топшириш, сотиш, сақлаш, ташиш ёки олиб ўтиш” моддаси асосида жиноий иш қўзғатилган.
Маълумотларга кўра, аёл 1977 йилда туғилган бўлиб, Россия фуқароси ҳисобланади. Айни дамда аёл ҳисбга олинган, вақтинчалик сақлаш камерасида ушлаб турилибди. Унга нисбатан қўзғатилган жиноий юзасидан текшириш-суриштириш ишлари олиб борилмоқда.
Манба: qalampir.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Ўзбекистонда зилзилага тайёргарлик кучайтирилади
Қондаги шакар миқдорини тартибга солувчи фойдали мева номи айтилди
Хотирани яхшилашнинг жуда оддий усули топилди
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бухоро вилоятида «Нексия-3» автомашинаси букланиб қолди
Бизнес имкониятингизни кенгайтиринг
