08:32 / 22.02.2018
4 675

АҚШлик қўмондон генерал Ўзбекистонга келди

АҚШлик қўмондон генерал Ўзбекистонга келди
Ўзбекистон Қуролли Кучлари академиясида Америка Қўшма Штатлари Мудофаа вазирлиги Марказий қўмондонлиги қўшинлари қўмондони генерал Жеффер Харриган бошчилигидаги ҳарбий делегация ташриф буюрди, деб маълум қилмоқда Қалампир нашри.

АҚШ ҳарбий мутахассислари иштирокида “Профилактик тиббиёт бўйича ахборот алмашинуви” мавзусида семинар ташкил қилинди. Унда ҳарбий-тиббиёт йўналишида таҳсил олаётган курсантлар, ҳарбий шифокорлар иштирок этди.

“Бу тадбирни ҳарбий-тиббий таълим соҳасидаги ахборот алмашинуви, десак тўғрироқ бўлади. Албатта, мазкур семинар машғулотларида янгиликлар ҳам кўп бўлди. Айниқса, инновацион технологиялар соҳасидаги айрим янгиликларни таълим тизимига татбиқ этсак арзийди. Келажакда бундай тадбирларга кўпроқ хорижий экспертлар жалб қилинса, машғулотлар самарадорлиги янада ошади деб ҳисоблайман”, дейди Тошкент тиббиёт академияси ҳузуридаги ҳарбий-тиббиёт факультети бошлиғи, тиббий хизмат полковниги Жаҳонгир Сабиров.

Мартабали меҳмон академия тарихи музейида бўлди. Ўқув хоналарини кўздан кечирди, ахборот-ресурс маркази, курсантларнинг яшаш шароитлари билан танишди.

Генерал Харриган бундан кейин ҳам икки томонлама ҳамкорлик алоқалари ривожига умид билдириб, юртимизга ташрифидан мамнунлигини изҳор қилди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » АҚШлик қўмондон генерал Ўзбекистонга келди