Куни кеча Фарғона водийсида эфирга чиқувчи «Мулоқот ТВ» телеканали Фарғона вилоятининг Данғара туманидаги қассоблардан бири мол гўшти орасига эшак гўшти қўшиб сотгани ҳақида хабар берган эди.
Телеканал томонидан тайёрланган видеолавҳада Қўқон шаҳар ветеринария бўлими мутахассиси Акрамжон Маткаримов эшак гўшти инсонга касалликлар юқтириши ҳақида, Қўқон шаҳар бош имом-хатиби Абдумажид ҳожи Исоқов эса эшак гўшти ҳаром экани, уни алдаб сотган киши билмай шу гўштдан еганларнинг гуноҳини ҳам олиши ҳақида фикр билдирган.
Афтидан, мазкур ҳолат қўқонликлар орасида «Қўқон шаҳрида ҳам эшак гўшти сотиляпти» қабилида миш-мишлар пайдо бўлишига сабаб бўлган. «Мулоқот ТВ» телеканали миш-мишларга раддия ўлароқ янги видеолавҳа тайёрлаган. Унда Акрамжон Маткаримов Қўқон шаҳри бозорларига чиқариладиган гўшт маҳсулотлари қатъий текширувдан ўтиши, эшак гўшти сотилишига йўл қўйилмаслиги ҳақида фикр билдирган.
«Эшак гўшти сотиш ҳолати Қўқонда эмас, Данғара туманида юз берган. Бизда эшак гўшти сотилмайди. Ҳеч қандай хавотирга ўрин йўқ», — дея яна бир бор аниқлик киритди Акрамжон Маткаримов.
Сўнгги икки йил давомида Ўзбекистонда эшаклар ва уларнинг гўшти билан боғлиқ бир неча йирик можаро юз берди. Жумладан, 2016 йил декабрида Самарқанд шаҳри Хишрав қўрғони ҳудудидан эшаклар қабристони топилди. Шундан сўнг шаҳар ошхоналарида эшак гўшти қўшилган таомлар сотилган бўлиши мумкинлиги ҳақидаги хабарлар пайдо бўлган эди.
2017 йилнинг ноябрь ойида Тошкентдаги «Шаршара» бренди остида колбаса маҳсулотлари ишлаб чиқарувчи цехдан 69,6 килограмм эшак гўшти топилди. Бош прокуратура маълумотларига кўра, бу гўшт цехга Хоразм вилоятидан етказиб берилган. 2018 йилнинг март ойида эса Фарғона вилоятининг Қўштепа туманидаги бир гуруҳ қассоблар вилоятдаги ошхоналарга эшак гўшти тарқатиш билан шуғуллангани фош этилди.
Бундан ташқари, 2017 йил декабрида Ўзбекистон Бош прокуратураси 10 йил давомида Қашқадарё вилоятидан Тошкент шаҳридаги бозорлар, ошхоналар, сомсахоналарга сифатсиз (ҳаром ўлган мол) гўштни тарқатиш билан шуғулланган гуруҳ фаолиятига чек қўйгани хабар қилинган эди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
Элдор Шомуродов гол урган баҳсда “Кальяри” меҳмонда “Интер” билан дуранг ўйнади (видео)
