09:04 / 10.05.2018
4 446

Шавкат Мирзиёев 15—17 май кунлари илк расмий ташриф билан АҚШда бўлади

Шавкат Мирзиёев 15—17 май кунлари илк расмий ташриф билан АҚШда бўлади
Фото: Президент матбуот хизмати
Ўзбекистон Президенти Шавкат Мирзиёев АҚШ президенти Дональд Трампнинг таклифига биноан 2018 йил 15—17 май кунлари илк расмий ташриф билан АҚШда бўлади. Бу ҳақда президент матбуот хизмати хабар берди.

Олий даражадаги музокараларда Ўзбекистон – АҚШ ҳамкорлигининг ҳолати ва уни ривожлантириш истиқболларини муҳокама қилиш, халқаро ва минтақавий аҳамиятга молик долзарб масалалар юзасидан фикр алмашиш режалаштирилган.

Вашингтонда Ўзбекистон Президенти, шунингдек, АҚШ Конгресси, Мудофаа вазирлиги ва Давлат департаменти ҳамда Жаҳон банкида икки томонлама учрашувлар ўтказади.

Расмий ташриф якунида икки мамлакат Президентлари «Ўзбекистон ва Америка Қўшма Штатлари: стратегик шериклик янги даврининг бошланиши» деб номланган Қўшма баёнотни имзолаши, турли соҳалардаги ўзаро муносабатларни янада мустаҳкамлашга қаратилган ҳужжатлар тўпламининг қабул қилиниши кутилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Шавкат Мирзиёев 15—17 май кунлари илк расмий ташриф билан АҚШда бўлади