Мамлакатимизда бўш ва квоталанадиган иш ўринларига банд бўлмаган аҳолини жойлаштириш, ўзини ўзи банд қилишнинг самарали йўлларини ривожлантириш бўйича зарур чоралар кўрилмоқда. Бу борада ҳар йили махсус дастурлар қабул қилиняпти. Лекин, шунга қарамай, фуқароларни иш билан таъминлашда ижобий натижаларга эриша олмаяпмиз.
Бош прокуратура ҳузуридаги Ахборот-таҳлил мультимедиа маркази маълумотларига кўра, ҳозирги кунда мамлакатимиз аҳолисининг қарийб 1,5 миллион нафари иш ўрнига муҳтожлиги, бу ишга яроқли аҳоли сонининг салкам 10 фоизини ташкил қилиши ҳам ана шундай дейишга асос бўлади.
Янги иш ўринларини яратиш, аҳоли, айниқса, ёшлар бандлигини таъминлаш масаласидаги муаммоларни бартараф этишнинг янги ва самарали механизмлари Президентимизнинг “Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида”ги қарорида акс эттирилди.
Қарор билан аҳоли бандлигини таъминлаш йўналишидаги фаолиятни такомиллаштириш ҳамда амалга оширилаётган ишлар самарадорлигини оширишга доир “Йўл харитаси” ҳам тасдиқланди.
Бандликка кўмаклашиш давлат жамғармаси маблағлари ҳам оширилмоқда. Жамғармага шу йилнинг ўзида республика бюджетидан қўшимча 150 миллиард сўм, 2019 йилдан бошлаб эса 300 миллиард сўм миқдорида маблағ ажратиб борилади.
Ҳужжатга кўра, кичик тадбиркорлик субъектларига, фермер ва деҳқон хўжаликларига, оилавий тадбиркорлик субъектларига энг кам иш ҳақининг 500 бараваригача бўлган миқдорда уч йилга олти ойлик имтиёзли давр билан микрокредитлар бериладиган бўлди.
Манба: "Халқ сўзи" «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Небензя Ғарбнинг БМТ Хавфсизлик Кенгашидаги нутқини иккиюзламачилик паради деб атади
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Можародан сўнг Украинани нима кутаётгани маълум бўлди
Эроннинг Исроилга ҳужуми шунчаки спектакль эдими?..
Пентагоннинг собиқ таҳлилчиси Ғарб нега Украинада тинчлик истамаслигини тушунтирди
Давлат хавфсизлик хизмати маклерларга қўшиб мансабдорларни ҳам қўлга олди
Элдор Шомуродов гол урган баҳсда “Кальяри” меҳмонда “Интер” билан дуранг ўйнади (видео)