Шавкат Мирзиёев: “Коллежни тугатган бола ариза ёзолмайди” (видео)

  • Жамият
  • 23-07-2018, 14:21
  • 1 752
  • Шавкат Мирзиёев: “Коллежни тугатган бола ариза ёзолмайди” (видео)
    Президентимиз Шавкат Мирзиёев 20 июль куни Ядро физикаси институти залида Фанлар академияси ва илмий-тадқиқот институтлари вакиллари, академиклар, олимлар, ёш тадқиқотчилар билан учрашув ўтказди. Тадбир O‘zbekiston 24 телеканали орқали эфирга узатилган.

    “Вақт-соати келди. Илмнинг натижалари ҳаётда амалга оширилмагани учун ривожланишимизнинг ҳамма соҳаларида сифат даражаси пасайиб кетди. Илм бўлмагани учун. Мен сизларга бир рост гапни айтаман: коллежни тугатган бола ариза ёзолмайди! Бу гапим ҳақиқат! На кирилл алифбосида, на лотинда.

    Нима учун биз Мактабгача таълим вазирлигини туздик? Бир ярим мингдан кўпроқ мактабгача таълим муассасасини очмоқчимиз, бу тарихда бўлмаган, бир йилда битта ҳам очмаганмиз. Агар биз мактабгача таълимни ривожлантирмасак, қишлоқларда мактабга келаётган болаларнинг сифати, савияси ҳозирги талабга мутлақо жавоб бермайди. Мактабларда 10-11-синфларни очдик. Энди мактабгача таълим, мактаб ва олийгоҳ бўлади. 10 йил шу тизимни қилсак кўзи ёнган, эртанги кунга ишонган, билими бўлган, ҳеч кимдан қўрқмайдиган, жасур ва миллатимизнинг эртанги кунига бефарқ бўлмаган одамлар пайдо бўлиши мумкин.

    Вилоятларга борганимизда Абдулла Орипов, Эркин Воҳидов, Муҳаммад Юсуф, Иброҳим Юсупов, Ҳамид Олимжон, Зулфия каби ижодкорларга бағишланган катта-катта мактаблар очдик. Абдулла Орипов, Эркин Воҳидовлардек ижодкорлар ўзидан-ўзи пайдо бўлмайди. Ҳеч қачон пайдо бўлмайди. Уни давлат тарбиялаши, саралаши, унга пул сарфлаши керак”, - деди Шавкат Мирзиёев.
    Президент нутқидан лавҳа

    Шавкат Мирзиёев: "Коллежни битирган бола ариза ёзолмайди! Бу гапим ҳақиқат!"

    Опубликовано UZBEK TV Воскресенье, 22 июля 2018 г.


    Манба: "Халқ сўзи"

    » » Шавкат Мирзиёев: “Коллежни тугатган бола ариза ёзолмайди” (видео)
    Яндекс.Метрика