18:00 / 16.09.2018
5 890

Андижонда ҳокимлик ходими 16 минг АҚШ доллари миқдоридаги пора билан қўлга тушди (видео)

Андижонда ҳокимлик ходими 16 минг АҚШ доллари миқдоридаги пора билан қўлга тушди (видео)
Давлат Хавфсизлик Хизмати Андижон вилояти Бошқармаси ва вилоят прокуратураси ходимлари томонидан ўтказилган тезкор тадбир натижасида, Андижон шаҳар ҳокимлигининг иқтисодиёт ва тадбиркорлик масалалари бўйича бош мутахассиси Тўхтамурод Қодиров фирибгарлик қилиб, тадбиркордан пул олаётган пайтида қўлга олинди. Бу ҳақида “Ўзбекистон 24” хабар берди.

Маълум бўлишича, Андижон шаҳрида жойлашган “Жаҳон бозори” савдо комплекси ҳудудидаги бўш турган 60 кв.метр ер майдонидан фойдаланиш бўйича Андижон шаҳар ҳокимининг фармойиши чиққани, келгусида мазкур ер майдонини тадбиркорлик билан шуғулланиш учун ажратиб бериш ва керакли ҳужжатларини расмийлаштириб бериш эвазига маҳаллий тадбиркордан 17500 АҚШ доллари талаб қилиб, шундан 16000 АҚШ долларини олаётган вақтда ашёвий далиллар билан ушланган.

Тергов олди жараёни ва суриштирувларда Тўхтамурод Қодиров бундай ишларга олдин ҳам қўл урганлиги аниқланди. У улгуржи савдо билан шуғулланиш учун лицензия бериш эвазига бошқа бир тадбиркордан ҳам 300 АҚШ доллар миқдорида пул олган.

Мазкур ҳолат юзасидан Андижон вилоят прокуратураси томонидан жиноят иши қўзғатилиб, тергов-суриштирув ҳаракатлари олиб борилмоқда.
[media=https://youtu.be/eA8Q8NIZHQQ]

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Андижонда ҳокимлик ходими 16 минг АҚШ доллари миқдоридаги пора билан қўлга тушди (видео)