Telegram’да ўйин ўйнаш имконияти пайдо бўлди

  • Технология
  • 3-10-2016, 22:59
  • 1 466
  • Telegram’да ўйин ўйнаш имконияти пайдо бўлди

    Энг оммабоп мессенжерлардан бири бўлган Telegram’да эндиликда турли ўйинларни бевосита чат интерфейсида ўйнаш мумкин бўлди. Бу борада мессенжер блогида маълумот берилган. Ўйинлар бот-платформа асосида ишлайдиган Gaming Platform 1.0 версиясида орқали ишга туширилади. Платформада кучли графика ва товуш параметрлари қўллаб-қувватланади, дейилади "Terabayt.uz" сайти хабарида.

    Ҳозирда Telegram’да 30 яқин ўйин мавжуд бўлиб, келажакда ўйинлар миқдори узлуксиз кўпайтириб борилади.

    Ўйинни бошлаш учун исталган чатда “@gamee “ ботини чақириш керак бўлади. (Аввал Telegram’ни сўнгги версияга янгилашни унутманг)

    Сервис HTML5 протоколи базасида яратилган бўлиб, ўйинлар сўров бўйича оддий веб-саҳифа сифатида юкланади ва гаджетнинг хотирасини доимий тарзда банд этмайди. Ўйинларни Apple (iPhone 4’дан бошлаб) ва Android қурилмаларида (Android 4.4 версиясидан бошлаб) ўйнаш мумкин.