14:49 / 31.10.2016
6 547

Google Pixel смартфонларида жиддий носозлик аниқланди

Google Pixel смартфонларида жиддий носозлик аниқланди

АҚШнинг Google компанияси 4 октябрь куни Pixel ва Pixel XL смартфонларнинг тақдимотини ўтказган эди. Смартфонлар мутахассислар ва фойдаланувчилар орасида катта шов-шувларга сабаб бўлди. Бироқ қурилмалар сотувга чиқарилганидан кейин бироз муддат ўтгач, улар борасида турли эътирозлар ҳам пайдо бўла бошлади.

Айниқса, ушбу смартфонлар автомобилга Bluetooth орқали яхши уланмаслиги натижасида кўплаб ҳайдовчиларнинг норозилигига сабаб бўлмоқда. Terabayt.uz сайтининг ёзишича, ҳайдовчилар қўнғироқ пайтида суҳбатдошлари билан уланиш узилиб қолиши боис сўзлаша олмаётганларини айтганлар.

Баъзи экспертлар эса Google ҳам Samsung изидан бориб, смартфонларни тезроқ тақдим этиш мақсадида сифатга керакли эътибор қаратмаганини таъкидламоқдалар. Бундан ташқари, янги Google смартфонлари аввалги Nexus сериясига қараганда деярли икки баравар қиммат туриши ҳам кўпчиликнинг ҳафсаласини пир қилди.

Айни пайтда бундай муаммо Android 7.1 версияси билан боғлиқлиги тўғрисидаги тахминлар ҳам илгари сурилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Google Pixel смартфонларида жиддий носозлик аниқланди