Bluboo Dual – қўш камерали арзон металл смартфон » Ўзбекистон янгиликлари – Zamin.uz

Bluboo Dual – қўш камерали арзон металл смартфон

Технология 4-12-2016, 20:15 587
Bluboo Dual – қўш камерали арзон металл смартфон

Хитойнинг Bluboo компанияси бундан бир неча кун олдин ўзининг илк қўш камерали смартфони Bluboo Dual моделини намойиш қилди.

Terabayt.uz cайтининг ёзишича, смартфонга Sony томонидан ишлаб чиқарилган 13 МПли сенсор + 2 МПли қўшимча камера ўрнатилган. Селфи камеранинг аниқлиги 8 МП. Гарчи моделнинг нархи арзон бўлса-да, у тўлиқ металл корпус ва бармоқ изи сканери билан таъминланган. Моделга 5,5 дюймли Sharp томонидан тайёрланган Full HD экран ўрнатилган. Дисплей Gorilla Glass 4 шишаси билан ҳимояланган, уни нам бармоқлар ёки қўлқоп билан ҳам бошқариш мумкин.

Bluboo Dual тўрт ядроли MediaTek MT6737T процессорида ишлайди, тезкор хотирасининг сиғими 2 ГБ. 16 ГБ доимий хотира ва microSD слот кўзда тутилган. Аккумуляторининг сиғими 3000 мА/соат.

Моделнинг нархи 150 доллар, 18 декабрда Хитойда сотувга чиқади.


Zamin.uz нинг Youtube’даги расмий каналига обуна бўлиб, янгиликлардан хабардор бўлинг.