Google Wi-Fi симсиз роутерлари сотувга чиқарилди » Ўзбекистон янгиликлари – Zamin.uz

Google Wi-Fi симсиз роутерлари сотувга чиқарилди

Google Wi-Fi симсиз роутерлари сотувга чиқарилди

АҚШнинг Google корпорацияси ихчам ва симсиз Google Wi-Fi роутерларини сотувга чиқарди. Икки ёки ундан ортиқ роутерни ягона симсиз тармоққа улаш имконини берадиган ускуна 129 долларга баҳоланмоқда, деб ёзмоқда «Дарё» сайти.

Компания симсиз роутер анонсини 4 октябрь куни берган эди. 17 ноябрдан уни олдиндан буюртма қилиш имконияти туғилди.

Роутер 140 квадрат метр майдонни қоплайди. Google Wi-Fi’нинг учта блоки эса 420 квадрат метр масофага интернет тарқата олади.

Бундан ташқари, Google Wi-Fi барча фойдаланувчиларга уйдан туриб интернетга кириш, бунда энг яқин алоқа нуқтасини танлаш имконини берадиган Network Assist технологиясига эга. Тармоқ мобил дастур орқали бошқарилади.

Учта роутердан иборат комплект нархи — 229 доллар. Уни Amazon, Google Store ва Best Buy’нинг ихтисослаштирилган марказларидан сотиб олиш мумкин.

Zamin.uz нинг Telegram’даги расмий каналига обуна бўлиб, янгиликлардан хабардор бўлинг.